BuzzerBeater Forums

Formato do Torneo

Esta tempada cargámonos a tradición de tocar o formato, e mantemos exactamente o mesmo que a tempada anterior:

A duración total da Galiza Cup voltará a ser de 8 semanas. Como xa sabedes, na primeira fase faranse un mínimo de catro grupos de catro, ca posibilidade de amplialo ata un máximo de 8 grupos para dar cabida a tantos equipos como sexa posíbel.

Tamén permitídeme recordarvos que temos os 8 enchufados:

Para facer que ningún equipo quedase fóra da Galiza Cup por mor de seguir na Copa de España, creamos o concepto dos 8 enchufados. Estes 8 enchufados pasarán directamente á segunda fase do Torneo, e así terán unha marxe de 3 semanas máis para caer da Copa.
Os 8 enchufados serán escollidos da seguinte maneira:

1.- Os equipos que sigan na Copa, ordeados polas GCStats de maior a menor.
2.- Os equipos que non estén na Copa, ordeados polas GCStats de maior a menor.

Desta maneira, a Galiza Cup levaríase a cabo en tres etapas.

1ª Liguilla

No canto dos catro grupos de antes, ampliaremos o número de grupos a tantos como sexa posíbel, ata un máximo de 8, e cun mínimo de 4. Iso si, é condición indispensábel que os grupos estean completos, non poderiamos facer ningún grupo de 3 ou 2.

Destos grupos pasarán en total 8 equipos. Dependendo do número de grupos, poden pasar máis ou menos equipos por grupo. Se hai catro grupos, pasarían o primeiro e o segundo de cada grupo. En caso de que houbese máis de catro grupos, pasarán os primeiros de grupo, e os mellores segundos ata completar o número de prazas, é dicir, ata que sexan 8 equipos.

Compre dicir que, en caso de empate entre dous equipos, mirarase o basketaverge particular, e en caso de empate entre tres ou catro, o xeral. Avisados quedades.

O sorteo realizarase tomando "cabezas de serie", polas xa antes mencionadas GCStats. Por se alguén ten a dúbida, resérvome o dereito Urdazi (manipular e terxiversar ao meu antollo todo canto me pete e máis).

2ª Liguilla

Practicamente idéntica á primeira, e é aquí cando se "acoplan" os 8 enchufados. Catro grupos de catro equipos. En cada grupo haberá un campeón de grupo da primeira liguilla, un subcampeón de grupo da primeira liguilla (que non xogase no mesmo grupo co campeón), e dous enchufados, todo por riguroso sorteo ao que só asistirei eu e a miña cadela se ten sorte.

En caso de que algúns dos 8 enchufados seguise disputando a Copa de España, o seu lugar sería ocupado polos seguintes mellores clasificados da primeira liguilla, atendendo aos partidos gañados en primeiro lugar, e ao basketaverage despóis. Como sei ben de que estades feitos, por se dous ou máis equipos obtivesen exactamente os mesmos números, faríase un sorteo e que o azar decida quen pasa (de novo resérvome o dereito Urdazi).

Nesta 2ª Liguilla, só se clasificará o campeón, polo que o boleto para a fase final estará o dobre de caro.

Final Four

Os que saibades algo de matemáticas, xa vos decataríades de que se temos catro grupos e só pasa o campión, só pasan catro equipos. Os que saibades inglés e non matemáticas, vos decataríades un chisco máis tarde de que só quedan catro equipos. Os que non se decatasen a estas alturas non merecen chegar á final e quedarán inmediatamente eliminados polo dereito Urdazi (noutros lares coñecido como "Artigo 33").

Deixémonos de lerias e poñámonos serios. Duas semifináis entre os catro campeóns dos grupos da segunda liguiña, unha vez máis decididos os emparellamentos por sorteo. Só un encontro e os dous gañadores pasarán á ansiada final.

Os dous semifinalistas que perderan, se queren poden xogar o encontro do "Terceiro e Cuarto Posto".

Final

Debido á ampliación do formato, a final ten que disputarse durante os PlayOff oficiáis, polo que a data pode oscilar. Isto quere dicir que os dous finalistas terían que acordar unha data para xogar a final, xa que se un queda de 5º e outro xógase os descenso, non sería un encontro xusto. De todalas maneiras, como último recurso, a final sempre se podería xogar no derradeiro amigábel da tempada, cando os PlayOff xa rematasen.

Por outra banda, se os dous finalistas queren poderíase xogar ao mellor de tres encontros. Terase que falar no momento e ver o que máis lle convén aos dous equipos implicados.

Calendario

Mércores 22 de novembro --> Apertura da Inscripción
Martes 16 de decembro --> Peche da Inscripción
Venres 19 de decembro --> Sorteo da 1ª Liguilla
Xoves 25 de decembro--> Primeiro encontro da 1ª Liguilla
Xoves 1 de xaneiro --> Segundo encontro da 1ª Liguilla
Xoves 8 de xaneiro --> Terceiro encontro da 1ª Liguilla
Verner 9 de xaneiro --> Sorteo da 2ª Liguilla
Xoves 15 de xaneiro --> Primeiro encontro da 2ª Liguilla
Xoves 22 de xaneiro --> Segundo encontro da 2ª Liguilla
Xoves 29 de xaneiro --> Terceiro encontro da 2ª Liguilla
Venres 30 de xaneiro --> Sorteo da Final Four
Xoves 5 de febreiro --> Semifináis

Como xa mencionei anteriormente, a final pode variar así que non a engado no calendario.

Encontros

Os encontros, como xa saberedes, xogaránse os xoves, nos amigábeis. O equipo que figure como local será o encargado de retar, e o visitante deberá estar atento para aceptar o reto. O luns a mediodía a máis tardar, o reto terá que estar feito polo equipo local, e o martes ao mediodía deberá estar aceptado polo visitante. Se se incumplen as datas, se o equipo que está a agardar o solicita, o encontro lle será dado por gañado por 25 - 0 e poderá buscarse outro amigábel para non perder o adestramento. Tamén é posíbel que o que figura como visitante faga o reto, pero neste caso terá que facelo para xogar fóra da casa, no pavillón do equipo que figura como local.

Premio

E chegamos á parte suculenta da Galiza Cup... Ai non, aquí non hai diso!!!

O maior premio que vos podemos ofrecer e pasar un bo anaco connosco, non ter que andar moi preocupado por ter que buscar un amigábel e o dereito a fachendear (fardar ou flipar dependendo do lar) un bo anaco se te alzas ca coroa. Polo de agora só Litur, Pepe Beltrán e Matxone acadaron o seu oco na historia dos equipos galegos... Serás ti o seguinte???

Benvidos a esta cuarta Galiza Cup. Sentídevos coma na casa e pasade un bo anaco con nós. Se alguén ten algunha dúbida, suxestión ou queixa, pode dicilo neste mesmo fío ou, se o prefire, por BB-mail a min.

Unha aperta a todos e grazas pola vosa participación.

Historia da Galiza Cup

Se ben é certo que a andaina da Galiza Cup non é moi longa, non está de máis comezar xa a acumular os datos das edicións, e así teremos un fermoso recordo das primeiras edicións.

---

Primeira edición

Xa case con nostalxia podemos ollar o primeiro fío da Galiza Cup (13967.1). Mensaxe que por certo comeza cunha petición de desculpas porque daquela non se podía falar galego nos foros... Que cabreo collera...

Unha primeira edición que foi montada un pouco sobre a marcha, pero que ao final saíu bastante ben, a única pega que tivo é que quedou bastante xente fora... Unha mágoa. Afortunadamente agora xa comezamos co formato definido, e temos a experiencia destas edicións na organización, que nos axuda a evitar erros.

Campión --> Litur – Chorima Basket – (75749)
Subcampión --> Alexenko – Universidad de Cambre – (75746)
Final --> (3997474)

---

Segunda edición

Esta segunda edición xa foi bastante máis doada dende a organización, primeiro pola experiencia adquirida na primeira edición, e segundo pola colaboración na organización que prestou Litur. Se ve que lle colleu apego á Galiza Cup que non se puido librar dela. Tamén temos no arquivo o enlace ao fío, (31544.1)

Edición que ampliou un chisco máis o formato, pero inda así insuficiente. Foi outro erro máis para o saco da experiencia. Tamén foi a edición na que se implantou o método dos enchufados.

Campión --> Pepe Beltrán - Jericho B.C. – (75692)
Subcampión --> Kelepol – Celtics de Coia – (76267)
Final --> (6230309)

I Cunca dos Labregos

En paralelo a segunda edición da Galiza Cup, naceu esta outra competición coa idea inicial de dar cabida a aqueles equipos que non tiveron sitio na GC. Nesta primiera participación formáronse dous grupos de catro equipos que loitaron por convertirse nos primeiros en levarse o trofeo.

Campión --> Onire - Corrichos - (79103)
Subcampión --> cruiss - C.B. Skalda - (42876)
Final --> (6054980)

---

Terceira edición

Esta edición pasará case que de seguro á historia da Galiza Cup por ser a edición dos comités. E é que foron moitos os encontros que deron problemas, e en cada un deles houbo unha investigación e unha resolución. Á marxe dos problemas no peche dalgúns encontros, hai que salientar que de novo nesta edición se ampliou o formato, ata un total de 40 equipos participantes, incluíndo os 8 enchufados. Tamen hai que salientar a colaboración impagábel de Litur. Como non, conservamos o enlace ao fío, (45869.1).

Campión --> Matxone - Juanito Caminante - (76841)
Subcampión --> Kelepol - Celtics de Coia - (76267)
Final --> (8249241)

II Cunca dos Labregos

Clasificación Histórica por Galiza Cup Stats

Nome ----------------------------- Equipo ---------------- GCStats
Litur ------------------------- Chorima Basket -------------- 198
Alexenko --------------- Universidad de Cambre --------- 169
kelepol ---------------------- Celtics de Coia --------------- 165
LA-Souto -------------------- Galiza Celtics ---------------- 151
GZ-xexu ---------------------- Maure Team ---------------- 148
OReiDasCanastas --- Labazadas in Your Face S.A. ---- 133
Shanty ----------------------- C.B. Sotonera -------------- 112
Pepe Beltrán ------------------ Jericho B.C ---------------- 110
LA-Diebro -------------------- Lavacolla B.C --------------- 108
Oyagun --------------------------- Ktulu --------------------- 99
albarello-lnc ------------- Touland Trail Blazers ------------ 99
DevillX -------------------------- Raxo City ------------------ 85
Juanito Caminante ------------ Matxone ------------------- 85
Afarensis ------------------ Ferrol Destroyers ------------- 81
Ivanff ------------------------- Forza Breo ------------------ 79
Hamlet29 ---------------- Gallegos Medievais -------------- 78
Cans de Palleiro ------------ Sapoconcho ------------------ 75
miki_zar ------------------- Chacaritas Team --------------- 71
DunklerGeier --------------- Ourense Bulls ----------------- 70
cruiss ------------------------- C.B. Skalda ------------------ 65
Xosesinho ---------------- Tropa do Carallo ---------------- 64
Sozap86 ------------- Bergondo Sperm Whales ----------- 60
pepiño ------------------------ Corrichos --------------------- 53
Giovanella ------------- Irmandades da fala NG ----------- 41
Mjorgan ---------------------- Garfunkel --------------------- 37
Carracillo --------------------- Carracillo --------------------- 34
Viña Costeira ---------------- Tonhocid ---------------------- 32
Chikichikies ---------------------- Noel ------------------------ 32
Sete stars ------------------- Stas ke si ---------------------- 32
Escairón --------------------- Platanito21 -------------------- 32
Diplococo Team ------------- Jpergom ----------------------- 29
Alex Lamela ------------- C.B. Todoporelaro ---------------- 27
Celta de Vigo ----------------- Natx0 ------------------------- 27
CastelaoGZ --------------- CastelaoGZ ---------------------- 27
Pontepedriña ------------- An Pensado ---------------------- 27
Los putos amos ------------- Lafita99 ------------------------ 27
Xubia basket ----------------- Xoanp -------------------------- 27
CB Muradan --------------- El facass ------------------------- 27
david campos ------------- Breogan -------------------------- 26
Berenguela ----------------- Outeiro -------------------------- 26
Mesoiro Basket -----------nandotas77 ----------------------- 26
Cazador ----------------- St. Gallen Club ---------------------18
Crrremas ---------------- Rastapastovic ---------------------- 16
realinho ------------------- Rio Sor C.S. ----------------------- 15
Calvario Mavericks ------- Martinez -------------------------- 15
Arenazero -------------------AnubiS --------------------------- 15
Os fumetas de lars ----- Pequeno lars ----------------------- 14

Con 5 Galiza Cup Stats

jaime69 - Xanita Basket
garrido - Orense Heat
chamallex - Castreloswolf Changas
dieginho_7 - C.B. Vila de Meira
candaira - L.A. Chaikers
breogan - LeiteRíoBreogan
deivy_57 - Leite Ron Breogan
toninho - Celta Vigo Urban
kikeiglesias - ¡¡ Viva el Rey !!
Chantada Octopus - Cernicalo89
PioXII CB - Henricovic
jako0b0 - Liberation

Con -10 Galiza Cup Stats

Cuervos negros - Roiko
C.B. Lobelle - Markosevic

*Nota: Segundo me informou Litur, que é o encargado do reconto das GCStats, había un pequeno erro nas GCStats das pasadas edicións, que xa foi corrixido

Last edited by Alexenko at 12/08/2008 11:43:15

Galiza Cup Stats

De seguido teredes unha lista ca cantidade de Galiza Cup Stats que se obteñen por cada acción!

Inscribirse -----------------------------> 5
Participación --------------------------> 15
Non Retar -------------------------------> -10
Non Aceptar o Reto -------------------> -10
Partido Gañado na 1ª Liguilla --------> 3
Partido Perdido na 1ª Liguilla --------> 2
Clasificarse Liguilla como 1º --------> 6
Clasificarse Liguilla como 2º ---------> 4
Partido Gañado na 2ª Liguilla --------> 5
Partido Perdido na 2ª Liguilla ---------> 3
Clasificarse Liguilla como 2º ---------> 10
Semifinalista da GC -----------------> 25
Subcampión da GC ----------------> 35
Campión da GC --------------------> 50

Galiza Celtics - LA-Souto (76172)

Molta sorte do novo...

Lo he escrito bien? xDDD

Last edited by LA-Gerard (g3rjo) at 11/22/2008 05:32:40

Casi casi...en vez de molta,moita.

ok, bueno, la proxima vez, miraré un traductor

Te estaré vigilando!!xD