მოგესალმებით ყველა უმაღლეს ლიგელს!
ყველას მოგეხსენებათ რომ ქართული ბაზერბითერი სავალალო მდგომარეობაშია: ნაკრებები საშინელ შედეგს აჩვენებენ და ჩემპიონთა თასზეც სულ უფრო და უფრო ცუდ შედეგებს ვაღწევთ. მიზეზი მარტივია - ცოტა აქტიური მენეჯერი და არასწორი განვითარება.
მომივიდა ერთი იდეა, რომელმაც შეიძლება ოდნავ გამოასწოროს სიტუაცია და მინდა ეს იდეა გაგიზიაროთ.
უმაღლესი ლიგის გუნდებმა დავდოთ შეთანხმება, რომლის თანახმადაც შეიზღუდება გუნდში მოთამაშის მაქსიმალური ხელფასი. ეს საშუალებას მოგვცემს უფრო ეკონომიურად ვხარჯოთ ფული და სწორად განვავითაროთ ჩვენი გუნდები. შესაბამისად ფული ჩავდოთ მწვრთნელებში და სავარჯიშო ქართველებში და ამით წინ წავწიოთ ნაკრებები.
უნდა არსებობდეს გამონაკლისებიც:
1. შეზღუდვა უნდა ეხებოდეს მხოლოდ ოფიციალურ მატჩებს. ხელი არ უნდა შეეშალოს ვაჭრობის მოყვარულებს. კი ბატონო, იყიდონ მაღალხელფასიანი შემდგომი გაყიდვის მიზნით, ოღონდ ოფიციალურ მატჩებში ნუ ათამაშებენ.
2. შეზღუდვა არ უნდა ეხებოდეს ქართველ მოთამაშეებს. ეს წააქეზებს უმაღლესლიგელებს ნაკრების მოთამაშის მიხედვისაკენ.
3. შესაძლოა შეღავათი გავუკეთოთ ჩემპიონთა თასზე გამომსვლელ გუნდებს. მაგალითად ამ გუნდებს უფლება მივცეთ მაღალხელფასიანი კვირის მანძილზე 36-48 წუთის მანძილზე ყავდეთ მოედანზე. თუმცა ეს შეღავათი ძალაში უნდა იყოს მხოლოდ იმ დრომდე, სანამ გუნდი ინარჩუნებს შემდეგ ეტაპზე გასვლის შანსს.
ჩემი აზრით უნდა მოთამაშის მაქსიმალური ხელფასი უნდა შევზღუდოთ 100 ათასით და გუნდის ხელფასი ქვედა ზღვარის 2-მაგი ოდენობით (ეხლა ჩვენი ლიგისთვის ეს ზღვარია 230 514, ანუ შეზღუდვა გამოდის ნახევარი მილიონი).
კარგი იქნება თუ ამ თემაში გამოხატავთ თქვენს აზრს და საბოლოოდ მივალთ რაიმე შეთანხმებამდე.