Превод:
Официјални правила на изборите за селектор
Корисниците можат да се пријават само за едни избори и можат да се пријават во било која земја, вклучително и во земји од кои тие не потекнуваат.
Победникот на изборите го одлучуваат гласовите на другите корисници на BuzzerBeater. Корисниците можат да гласаат само за селектори на своите национални тимови.
Се очекува да се води опширна дебата на форумите за кандидатите на изборите. Пред почетокот на вториот круг, на форумите ќе бидат дозволени само две теми за изборите. Во едната од нив ќе бидат само „говорите“ на кандидатите; втората тема е отворена за дебата. Дискусиите надвор од овие форуми се забранети. Кандидатите кои агитираат за гласови преку ББ-пораки или во други форуми ќе бидат дисквалификувани.
Во 6 am CET, три дена пред крајот на изборите, автоматски ќе се одредат кандидатите кои одат во вториот круг - тоа се пет кандидати со најмногу гласови во првиот круг, плус кандидати со ист број гласови како и петтиот, плус оние кои освоиле најмалку 5% од вкупниот број на гласови. Во овој период не се примаат нови регистрации.
После ова, на секој кандидат му е дозволено да направи само една тема за својата кампања.
На GM-овите им е дозволено да се кандидираат; тоа не им е дозволено на BB-овите. Не можете да бидете истовремено селектор и на националниот тим и на У21 националниот тим. Ако некој GM е кандидат, тој не може да ги модерира темите за избори во земјата каде што е кандидат.
Победникот на изборите за менаџер на националниот тим има мандат од две сезони. Во првата сезона е континенталното натпреварување, а во втората, интерконтиненталните натпревари.
За време на мандатот на менаџерот се следи неговата популарност на основната страна на националниот тим. Ја разгледуваме опцијата да им дозволиме на заедниците да можат да ги сменат прекумерно непопуларните менаџери во интерес на националните тимови и на заедницата во целина.
Овие правила можеби изгледаат престрого, но тие се наменети да овозможат добар тек на изборите и да обезбедат регуларност. Неисполнувањето на овие правила може да резултира со ваше отстранување од изборите, казни за вашиот тим, или во потешки случаи забрана (бан) на вашиот тим. Ве молиме, обидете се да ги водите изборите и дебатите на фер начин и со меѓусебна почит во духот на играта BuzzerBeater.